“Якутский русский английский в картинках” (Вера Макарова хомуйан оҥордо)
Хас да омук тылын баһылаабыт оҕо өйдүүр, толкуйдуур дьоҕура сайдар диэн өйдөбүл баар. Итини учуонайдар быһааран, билинэн тураллар. Атыттарга майгыннаабат ураты санаа үөскүүрэ, эргиччи билиилээх-көрүүлээх, үрдүк таһымнаах, бэйэҕэ эрэллээх буолуу эмиэ хас да омук тылын билиини кытта ыкса ситимнэнэр.
«Бичик» кинигэ кыһата оҕолорго анаан “Якутский русский английский в картинках” диэн бэртээхэй кинигэни бэчээттээн таһаарда.
Кинигэнэн сирдэтэн оҕо сахалыы, нууччалыы, английскайдыы үс тылынан бэйэтин билиһиннэрэ, дьиэ кэргэнин, иитэр, көрөр-харайар кыылын-сүөлүн, сөбүлүүр оонньуурдарын, дьарыгын тустарынан кэпсии үөрэниэҕэ. Киһи этигэр-сиинигэр, таҥаска-сапка, дьиэҕэ-уокка, аска-үөлгэ, о.д.а сыһыаннаах тыллары бу кинигэттэн билэн баһылыахтара.
Кинигэ «Бичик» маҕаһыыннарыгар атыыланар. Сыаната Дьокуускайга — 215 солк.
Галина Иванова – Айтыына «Өбүгэ үгэһин утумнаан»
Галина Иванова – Айтыына «Өбүгэ үгэһин утумнаан» кинигэтин болҕомтоҕут киинигэр тутаргытыгар ыҥырабыт.
Кинигэ ааҕааччыны өбүгэбит умнулла быһыытыйбыт олоҕун-дьаһаҕын, үгэстэрин, сиэрдэрин-туомнарын билиһиннэрэр.
Оҕону бэрт кыра сааһыттан норуот ураты тыыныгар биһиктээн иитиигэ бу бастыҥ кинигэ.
«Бичик» маҕаһыыннарыгар атыыланар. Сыаната Дьокуускайга — 200 солк.
Анисия Доранова «Сүһүөхтээн ааҕыы»
Алын кылаас оҕолоругар анаан Анисия Доранова «Сүһүөхтээн ааҕыы» бэртээхэй кинигэтэ таҕыста. Манна тэттик кэпсээннэр киирдилэр. Кинигэ оҕо түргэнник ааҕар дьоҕурун сайыннарарын таһынан тылы сөпкө сүһүөхтүү үөрэнэригэр көмөлөһөр. Тулалыыр эйгэ туһунан ааҕыы кини билиитэ-көрүүтэ, өйө-санаата кэҥииригэр, дириҥииригэр, сиэрдээх буоларыгар үөрэтэр-такайар.
Сыаната Дьокуускайга — 90 солк.