Национальнай бибилэтиэкэ үлэтэ от ыйын 6 күнүттэн сөргүтүллэр.
Бу туһунан СӨ Култуура уонна духуобунай сайдыы министиэристибэтэ иһитиннэрбит. От ыйын 6 күнүттэн, абонемент уонна электроннай өҥөлөрү оҥорор сектор үлэлэрин саҕалыыллар диэн sakha.gov.ru суруллар.
Бибилэтиэкэҕэ Call-центр +7(4112)455-855 эрийэн эбэтэр бибилэтиэкэ сайтыгар nlrs.ru сурутаҕыт дииллэр. Төлөпүөнүнэн сурутуу кэнниттэн, консультант эрийэн иһитиннэрэр, оттон сайтынан суруйтардаххытына, электроннай почтаҕытыгар бигэргэтиини тутуоххут диэн этэллэр.
Бибилэтиэкэҕэ сылдьар киһи ахсаана быстах кэмҥэ хааччахтаах. Маныаха кинигэ уларсар эбэтэр туттарар эрэ буоллаххытына, эбэтэр консультаннар сүбэлэрэ наада буоллаҕына сурутаргытыгар сүбэлииллэр. Бибилэтиэкэ үлэтин туһунан ыспыраапканы +7(4112)455-855 төлөпүөнүнэн эрийэн билсиэххитин сөп.
Маны сэргэ, хас күн аайы, бэнидиэнньиктэн бээтинсэҕэ диэри дистанционнай көрүҥүнэн эмиэ үлэлииллэр. Оттон бибилэтиэкэ өҥөлөрүн https://nlrs.ru/ киирэн уонна 8 (4112) 45-58-55 ньүөмэринэн эрийэн сиһилии билсиэххитин сөп. Электроннай өҥөлөргө, e-yakutia саайтка сүбэҕэ-амаҕа 8-924-860-10-24 ньүөмэринэн эрийэҕит. Электроннай бибилэтиэкэҕэ гид көмөтүн 8 (4112) 45-58-55, эбэтэр https://nlrs.ru/ киирэн чопчулаһаҕыт. Тус кабинетынан туһанарга https://nlrs.ru/to-readers/personal-account/ киирэҕит. Маны сэргэ, электроннай бибилэтиэкэҕэ сурутан, бөлөҕүнэн бииргэ ааҕыахха уонна бөлөх атын кыттааччыларын кытары куйаар ситиминэн санааны үллэстиэххэ сөп диэн иһитиннэрэллэр.
+1
+1
+1
+1
+1
+1
+1