«Биһиги – Арассыыйа кэскиллэрэбит!” бырайыак туһунан” Саха Өрөспүүбүлүкэтин Ил Дарханын Ыйааҕа таҕыста.
Үүнэр көлүөнэҕэ бэйэтин сарсыҥҥытыгар, наадалаах буоларыгар уонна өрөспүүбүлүкэ, дойду сайдыыларыгар эппиэттээх кыттыыны ыларыгар эрэллээх санааны үөскэтиигэ, цифровой уларытыы аныгы ирдэбиллэрин учуоттаан, уопсастыба ыйытыгын болҕомтоҕо ылан, уурабын:
- Арассыыйа судаарыстыбатын гражданинын – дьиэ кэргэнин, уопсастыба уонна дойду интэриэстэригэр сайдарга, үлэлииргэ бэлэм, эргиччи сайдыылаах уонна олоххо-дьаһахха эппиэтинэстээх личноһы, патриоту иитиини Саха Өрөспүүбүлүкэтин судаарыстыбаннай бэлиитикэтин ураты сыалынан ааҕарга.
- Оҕо уонна ыччат гражданскай уонна култуурунай майгыннаһыыларын үөскэтии систиэмэтин сүрүн бириинсиптэринэн быһаарарга:
1) Арассыыйа Федерациятын норуоттарын историческай үгэстэрин, духуобунай-нравственнай сыаннастарын утумнаһыыларын;
2) Гражданины иитиигэ дьиэ кэргэн, уопсастыба уонна судаарыстыба оруолларын бөҕөргөтүүнү;
3) Личность сайдыытыгар үгэс буолбут уонна цифровой эйгэлэр дьүөрэлэһиилэрин.
- Саха Өрөспүүбүлүкэтин Ил Дарханын уонна Саха Өрөспүүбүлүкэтин бырабыыталыстыбатын дьаһалтатыгар (Владимиров А.С.):
1) Саха Өрөспүүбүлүкэтин муниципальнай тэриллиилэрин олохтоох салайыныыга уорганнарын кытта бииргэ (сөбүлэһиннэрэн) Саха Өрөспүүбүлүкэтин уопсай үөрэхтээһинин тэрилтэлэригэр Арассыыйа Федерациятын Судаарыстыбаннай Өрөгөй ырыатын күн ахсын толоруллар быраактыкатын олохтууру хааччыйарыгар;
2) Саха Өрөспүүбүлүкэтин судаарыстыбаннай былааһын ситэриилээх уорганнарын кытта бииргэ:
а) Маннык ирдэбиллэри учуоттаан туран, “Биһиги – Арассыыйа кэскиллэрэбит!” бырайыагы ырытан олоххо киллэрэргэ:
личноһы иитиигэ судаарыстыба, наука, уопсастыбаннай институттар уонна гражданнар бииргэ үлэлээһиннэрин саҥа моделын тэрийиини;
оҕону уонна ыччаты духуобунай-нравственнай сыаннастарга, Арассыыйаны сайыннарыы национальнай соруктарыгар, Аҕа дойду устуоруйатыгар уонна култууратыгар сыһыарарга туһуламмыт цифровой ресурсалары уонна социальнай суолталаах контены тэрийиини;
идэҕэ туһаайыы уонна идэни сайыннарыы үлэлэр инновационнай көрүҥнэрин өйөөһүнү;
б) 2020 сылга Арассыыйа Федерациятын субъектара, уопсастыбаннас кыттыылаах “Биһиги кэскилбит – Арассыыйаҕа!” ыччат гражданскай-патриотическай пуорумун ыытарга.
- Этии киллэрэргэ:
1) Саха Өрөспүүбүлүкэтин Судаарыстыбаннай Мунньаҕа (Ил Түмэн) (Гоголев П.В.) Саха Өрөспүүбүлүкэтин сокуонугар оҕону, ыччаты духуобунай- сиэр-майгы өттүнэн, патриотическай тыыҥҥа иитии эйгэтигэр туһааннаах ситэрэн-хоторон биэриини көрөрүгэр;
2) Саха Өрөспүүбүлүкэтин муниципальнай тэриллиилэрин олохтоох салайыныы уорганнара, Саха Өрөспүүбүлүкэтин Уопсастыбаннай палаатата (Сергучев А.Е.) “Биһиги – Арассыыйа кэскиллэрэбит!” бырайыагы ырытан оҥорууга уонна олоххо киллэриигэ кыттыыны ылалларыгар.
- Бу Ыйаах толоруллуутун хонтуруоллааһыны бэйэбэр хаалларабын.
- Ыйаах илии баттаммыт күнүттэн олоххо киирэр.
- Тустаах Ыйааҕы сонуннары киэҥник тарҕатар официальнай сириэстибэлэргэ бэчээттииргэ.
Саха Өрөспүүбүлүкэтин Ил Дархана А.Николаев
2019 сыл сэтинньи 20 күнэ, 825 №.
Хаартыска: spb.kp.ru