Бүгүҥҥэттэн, муус устар 11 күнүттэн, Сбербаан ипэтиэкэҕэ сыһыаннаах бырагыраамаларыгар кирэдьииттээһин ставкатын 16,9 %-ҥа диэри түһэрдэ. Ортотунан, 2,1 %-ны сарбыйда. Ол курдук, чуолаан иккис ырыынакка уонна саҥа тутуллар дьиэлэргэ аналлаах ипэтиэкэ ставката аччаата.
Бу уларыйыы чэпчэтиилээх ипэтиэкэҕэ сыһыана суох. Холобур, дьиэ кэргэн, Уһук Илиҥҥи ипэтиэкэлэр бырыһыаннара онто суох кыралар.
Сбербаан вице-бэрэсидьиэнэ уонна «Домклик» салаа дириэктэрэ Николай Васев: «Киин Баан муус устар 8 күнүгэр сүрүн ставканы 17 %-ҥа диэри кыччаппыта. Итинэн сибээстээн, Сбербаан ипэтиэкэ ставкатын бырыһыанын түһэрдэ. 2022 сыл бастакы кыбаарталыгар ипэтиэкэ кирэдьиитигэр барыта 800 млрд солк. биэрбиппит. Биһиги өҥөбүтүн туһанан олорор усулуобуйаларын тупсарыан баҕалаахтарга өрүү көмөлөһөргө, бииргэ үлэлииргэ бэлэммит», — диэн санаатын үллэстибит.