Бэтэринээрийэ департамена халаан алдьархайыгар түбэспит Аммаҕа көмөлөһөр

Өрөспүүбүлүкэ Бэтэринээрийэтин департамена иһитиннэрэринэн, ыам ыйын 10 күнүнээҕи туругунан, Амма өрүс халааныгар 8 ынах сүөһү уонна 6 сылгы былдьаммыт. Бэтэринээрийэ сулууспатын үлэһиттэрэ Чапчылҕан уонна Амма анныларынан муустаах ууттан өрүһүллүбүт 24 сүөһүгэ уонна 27 сылгыга тымныйыыттан маҥнайгы суһал көмөнү оҥордулар.

Амма улууһугар экстреннэй көмөнү оҥорорго 264905,12 солк. суумаҕа эмп хаһаастаахтар. Бэтэринээрийэ департамена Амма улууһунааҕы бэтэринээрийэ упралениетыгар онно эбии өрөспүүбүлүкэ бүддьүөтүн суотугар 345656,20 солк. суумалаах эми-тому ЫБММ бөртөлүөтүгэр уган ыытта.

Халаан хабалатыгар хабыллыбыт улууска сотуун ыарыыны утары 9006 ынах сүөһүгэ, 7332 сылгыга уонна 205 сибиинньэҕэ быһыы оҥоһулунна. Сүөһү-сылгы өлүктэрин уу таһыма түстэҕинэ уматыахтара. Сааскы халаан кэмигэр Амма бэтэринээрдэригэр көмөҕө Бэтэринээрийэ департаменыттан исписэлиис ыыппыттар.

Василий НИКИФОРОВ, «Саха сирэ» хаһыат, edersaas.ru