«Быраас дьону эмтиир, оттон бэтэринээр киһи аймаҕы эмтиир» диэн мээнэҕэ этиллибэт.
Киһи доруобуйата тулалыыр эйгэтиттэн, иитэр сүөһүтүттэн, кыылыттан, аһыыр аһыттан, иһэр уутуттан улахан тутулуктаах. Ити иһин, бэтэринээрдэр дьиэ кыылларыгар-көтөрдөрүгэр эмтиир-сэрэтэр дьаһаллары былааннаахтык тэрийэллэр. Билигин ыттарга уонна куоскаларга быһыы биэрэ сылдьаллар.
Ыттарын, куоскаларын хаһаайыттар лечебницаҕа бэйэлэрэ аҕалаллар эбэтэр бэтэринээрдэр сайаапка быһыытынан аадырыстарынан кэрийэн быһыы биэрэллэр. Онуоха хас биирдии ыкка, куоскаҕа пааспар толороллор, онно ханнык вакцинаны, хаһан биэрбиттэрин уонна быһыы биэриитин регистрациялыыр сурунаалга ханнык нүөмэринэн сылдьарын барытын суруйаллар.
Раиса Сибирякова, edersaas.ru
+1
+1
+1
+1
+1
+1
+1