Баҕа өттүнэн көмөлөһөөччү сылыгар муус устар ыйга “Үтүөнү бэлэхтиибит” диэн тус аадырыстаах көмөнү оҥоруу аахсыйата өрөспүүбүлүкэ үрдүнэн көхтөөхтүк ыытыллар. Бэтэринээрийэ сулууспатын үлэһиттэрэ бу үтүө санааланыы хамсааһыныттан туора турбатылар.
“Эпизоотология мониторинын уонна бэтэринээрийэ сулууспатын бухгалтериянан хааччыйыы киинэ” хааһына тэрилтэтин үлэһиттэрэ Нам улууһун II Хомустааҕар олорор 9 оҕолоох ийэ Любовь Захароваҕа анаан оҕо таҥаһын, үөрэнэр тээбирини уонна минньигэс аһылыгы хомуйан ыыттылар. Любовь Семеновна нэһилиэк бэтэринээринэй лечебницатыгар биэлсэринэн үлэлиир.
—Биир идэлээхтэрбэр үтүө санааларын, өйөбүллэрин иһин махталбын биллэрэбин, — диир элбэх оҕолоох ийэ. – Биһиги, Захаровтар дьиэ кэргэн, барыгытыгар дьолу, үөрүүнү уонна баҕа санааҕыт барыта туоларыгар баҕарабыт.
Хаартыскаҕа (хаҥастан уҥа): Нам улууһунааҕы бэтэринээрийэ управлениетын бэтэринээрийэ дьаһалларын ыытар салаатын сэбиэдиссэйэ Д.А.Окоемова уонна бэтэринээрийэ бырааһа А.Г.Протопопова Дьокуускайтан тиийбит бэлэҕи Л.С.Захароваҕа (ортоку) туттардылар.
Василий НИКИФОРОВ, «Саха сирэ» хаһыат, edersaas.ru