РФ бырабыыталыстыбата 1 миллиартан тахса солкуобайы сэрии бэтэрээннэрин олорор усулуобуйаларын тупсарыыга ыытта. Ол туһунан уураахха Михаил Мишустин илии баттаата.
Бу харчыны 65 эрэгийиэн бары ылыа. Саамай элбэх үбүлээһин Ростовскай уобаласка, Башкортостан Өрөспүүбүлүкэтигэр уонна Санкт-Петербург куоракка көрүлүннэ.
Саха сирэ 9 мөлүйүөн 793 тыһыынча солкуобайы ылыаҕа. Өрөспүүбүлүкэ сэрии бэтэрээннэрин дьиэнэн хааччыйыыга үчүгэй көрдөрүүлээх.
Дойду үрдүнэн олорор усулуобуйаны тупсарыы учуотугар турбут 607 сэрии бэтэрээнэ саҥа кыбартыыраҕа киирэр кыахтаныа. Бу иннинэ, муус устар ыйга бырабыыталыстыба 650 мөлүйүөн солкуобайы көрөн, 200 бэтэрээн дьиэлэммитэ.
Ангелина Васильева, «Саха сирэ» хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1