Искэн ыарыыны эмтиир өрөспүүбүлүкэтээҕи диспансер үлэһиттэрэ Дьокуускай куорат Киин уокуругар олорор Аҕа дойду уоттаах сэриитин кыттыылаахтарыгар, биэс ытык кырдьаҕаска сылдьан, хаан анаалыһын ыллылар.
Бу аахсыйа искэн ыарыыны утары охсуһуу аан дойдутааҕы күнүн чэрчитинэн, Дьокуускай куорат Дууматын дьокутааттарын көҕүлээһиннэринэн тэрилиннэ. Онкодиспансер кылаабынай бырааһа Лена Афанасьева Киин уокурук дьокутаата. «Бу дьон-сэргэ доруобуйаларыгар болҕомтолоох буолалларыгар туһуланна», — диэтэ кини.
Аҕа дойду уоттаах сэриитин бэтэрээнэ Кирилл Павлов мэдиссиинэ үлэһиттэригэр махтанна. «Ил Дархан Айсен Николаев быйыл Чэбдигирии сылын биллэрбитэ наһаа үчүгэй. Өрөспүүбүлүкэ дьонугар-сэргэтигэр туһалаах буолара саарбахтаммат», — диэн Кирилл Егорович санаатын үллэһиннэ.
+1
+1
+1
+1
+1
+1
+1