“Арассыыйа ийэлэрэ” уопсастыбаннай хамсааһын Саха сиринээҕи салаата Кыайыы 75 сылын көрсө, «Бессмертный материнский подвиг» бырайыагы саҕалаата.
edersaas.ru
Сэрии толоонугар дьоруойдуу охтубут саллааттар уонна кинилэр ийэлэрин ааттара кыһыл көмүс буукубаларынан суруллуохтаах. Бырайыак сыалынан-соругунан буолар — Аҕа дойду улуу сэриитигэр уолаттарын сүтэрбит ийэлэр ааттарын үйэтитии. Онон хаартыскаларын, олохторун туһунан информация хомуллуоҕа.
Саха сириттэн уоттаах сэриигэ 62 тыһыынча киһи мобилизацияланан, өрөспүүбүлүкэ 37 тыһыынча олохтооҕун сүтэрбитэ. Санаан көрүҥ, отут тыһыынчаттан тахса ийэлэр уолаттара суох хаалбыттара. Таатта улууһуттан Февронья Малгина, Мария Бястинова, Бүлүүттэн Евдокия Борисова, Феодосия Борисова, Үөһээ Бүлүүттэн Дария Федорова, Уус Алдантан Матрена Румянцева, Өлүөхүмэттэн Акулина Худаева хастыы да уолаттара сэрииттэн эргиллибэтэхтэрэ.
Матырыйааллары, хаартыскалары podvigmateri@mail.ru ыытыҥ.
edersaas.ru