Бэс ыйын 7 күнүгэр Саха сирин өрүстэрин туруга

Ааптар: 
Бөлөххө киир:

Өлүөнэ өрүс

Өлүөнэ өрүс мууһа Булуҥ улууһугар устар. Муус алын кырыыта Хабаров гидропост таһыгар бэлиэтэммит, уу таһыма 713 см. Өрүс төрдө бэс ыйын 7-8 күннэригэр арыллара сабаҕаланар.

Дьааҥы өрүс

Дьааҥы өрүскэ муус устуута  Усуйаана улууһун сиригэр бэлиэтэнэр. Муус  тайаан устарын уһуна 25 км кэриҥэ, Нижнеянскай таһыгар өрүс бэс ыйын 6 күнүгэр арыллыбыт. Өрүс төрдө бэс ыйын 7-8 күннэригэр арыллара сабаҕаланар.

Халыма өрүс

Халыма өрүс төрдө аһыллыбыт. Зырянка аэропордугар киирбит уу көтөр аал түһэр балаһатыттан тэйэ илик. Среднеканскай ГЭС уутун көхтөөхтүк түһэрии түмүгэр, Зырянка таһыгар уу таһыма 544 см. тэҥнэһэр, кутталлаах таһымынан 850 см. ааҕыллар.

Алаһыай өрүс

Андрюшкино аттыгар уу таһыма 583 см., кутталлаах таһым 1000 см. Муус алын кырыыта Андрюшкино сэлиэнньэттэн 355 км. аллараа бэлиэтэммит. Өрүс мууһа муораҕа тиийэрэ бэс ыйын 9 күнүгэр сабаҕаланар.

Индигир өрүс

Муус хамсааһынын бүгүн-сарсын күүтэллэр. Муус устуутун көхтөөх фазата Абый улууһугар бэлиэтэнэр. Муус алын кырыыта Чокурдаахтан 75 км аллараа бэлиэтэммит, уу таһыма 708 см, кутталаах таһым 913 см. Өрүс бэс ыйын 8-9 күннэригэр олоччу арыллара сабаҕаланар.

Арбын нэһилиэгэр бэлэм буолуу эрэсиимэ биллэриллэн турар. Уу таһыма 919 см. тэҥнэспит, бу 897 см. кутталлаах таһымтан үрдүк. Нэһилиэккэ 24 тэлгэһэ ууга барбыт. 140 киһини хоннорорго аналлаах пуун тэриллибит. Саха сиринээҕи УГМС биллэрэринэн, уу муҥутуур таһыма бэс ыйын 6 күнүгэр тахса сылдьыбыт, билигин уу сыыйа намтаан эрэрэ бэлиэтэнэр.

Кэтээн көрүү үлэтин 2 суһал бөлөх ыытар, баларга 24 киһи, 5 тиэхиньикэ баар. Халыма-1 суһал бөлөх Абый улууһугар көспүт. Суукка иһигэр МИ-8 салгын аалынан Халыма уонна Индигир өрүс гидрологическай туруктарын чинчийии ыытылынна”, — диэн Арассыыйатааҕы ЫБММ Саха сиринээҕи салаатын салайааччыта Павел Гарин биллэрдэ.

+1
0
+1
0
+1
0
+1
0
+1
0
+1
0
+1
0