Саха эр дьонун түмэр өрөспүүбүлүкэтээҕи “Үс” түмсүү киэҥ далааһыннаахтык үлэлиирин салгыыр.
Үтүө күнүнэн, хорсун санаалаах эр бэртэрэ, уолаттар!
Мин Томпо улууһуттан, үлэһит киһи ыҥырыы суруйабын.
Быйыл Сахабыт сиригэр күүстээх, сөптөөх хамсааһыннар буоллулар. Сиэрэ суох ыллыыр Элджейы түмсэн тохтоттубут, «Триумф» кэнниттэн түмсүүлээхпитин
аан дойдуга биллилэр, хайҕаатылар.
Бу бэс ыйын 23 күнүгэр «Үс» түмсүү Тыа хаһаайыстыбатын академиятын ипподромугар 11:00 чааска дьону түмэр. Аар Айыыларбыт сиргэ чугаһаабыт кэмнэригэр диэн Алгыстаах Оһуохайга ыҥырыыны үөрэ истэн, түмсэн, Томпо улууһуттан Дьокуускайга айаннаары сылдьабыт.
Хас улуус, нэһилиэк аайыттан тиийиэҕиҥ, уолаттар! Түмсүүлээхпитин көрдөрүөҕүҥ!
Күндү доҕоттор!
Бэс ыйын 23 күнүгэр «Үс» түмсүү Алгыстаах Оһуохайын тэрээһинигэр Түмсэр Күн чэрчитинэн хапсаҕайдаһан, тустуу муҥутуур кыайыылааҕар «Нива» көлөнү бэлэх уунабыт!
Түмсэр кэмҥэ түмсүөҕүҥ!
Хаартыска: интэриниэттэн.