Бүгүн, бэс ыйын 11 күнүгэр, 12:00 чааска Саха сирин Ил Дархана Айсен Николаев эрэгийиэҥҥэ коронавирус балаһыанньатын туһунан брифинг ыытта.
Ил Дархан Айсен Николаев:
— Дьаҥ туруоҕуттан Саха сиригэр 2822 киһи ыарыйда. Ааспыт сууккаҕа 69 киһи ыарыыга сутулунна, онтон Дьокуускайга — 57, Мииринэйгэ — 6.
Бүтэһик күннэргэ үтүөрбүт дьон ахсаана ыалдьыбыт дьон ахсаанын ситтэ. Ааспыт сууккаҕа 78 киһи балыыһаттан таҕыста. Ыалдьааччы ахсаана 2 %-ҥҥа диэри намтаата.
Бэс ыйын 15 күнүгэр хааччахтыыр миэрэлэр сорохторо уһуллуохтара. Барыта буолбатах. Бүгүҥҥү күн бүтүөр диэри быһаарыныыны ылыныахпыт, ыйаах таһаарыахпыт.
Оттон Суһал штаб иһитиннэрэринэн, ааспыт сууккаҕа Дьокуускайга 57 киһи, Мииринэйгэ 6 киһи, Тааттаҕа 3 киһи, Үөһээ Бүлүүгэ 2 киһи, Намҥа 1 киһи ыалдьыбыт.
17 киһи ыарахан туруктаах, 65-ттэн үөһэ саастаах икки киһи тыына быстыбыт.
edersaas.ru
+1
+1
+1
+1
+1
+1
+1