Бу сыл бэс ыйыгар Саха сиригэр 978 оҕо төрөөтө – 526 уол уонна 452 кыыс. Сыл аҥаарыгар барыта 5375 оҕо (2810 уол, 2565 кыыс) күн сирин көрдө.
СӨ Ил Дархана Айсен Николаев бэлиэтээбитинэн, кэккэ үлэлэри ыытан уонна тус сыаллаах демографическай бэлиитикэ баар буолан, Саха сирэ оҕо төрөөһүнүнэн уонна ахсаана эбиллиитинэн инники сылдьар.
ЗАГС управлениетын чахчыларынан, бэс ыйыгар 348 кыыһы уонна 397 уолу бэлиэтэппиттэр.
Бэс ыйыгар Марк, Артем, Александр, Лев, Владислав, Даниил, Максим уонна Мирон диэн ааттары үгүстүк биэрбиттэр.
Сэдэх уонна ураты ааттарынан уолаттарга Алмаз, Гарри, Зоран, Ион, Леон, Марсель, Мир, Эдгар, Эрнис, Юджин, кыргыттарга София (Софья), Милана, Виктория, Алиса, Амина, Амелия, Валерия уонна Ева диэн сүрэхтээбиттэр.
Сэдэх ааттар кэккэлэригэр Афина, Габриэлла, Джиневра, Жасмин, Нинабель, Парвина, Тейя уонна Хая бааллар.
СӨ Ил Дарханын уонна СӨ Бырабыыталыстыбатын пресс-сулууспата.
Хаартыска: Андрей СОРОКИН (СИА).