Бэс Күөл сэлиэнньэтигэр төһө сүөһү-сылгы уокка былдьаммыта ааҕыллар

Ааптар: 
Бөлөххө киир:

Тыа хаһаайыстыбатын министиэристибэтиттэн сүөһү иитиитин, племенной кэтээн көрүү, кэпэрээссийэ уонна хаһаайыннааһын дьоҕус киэбин департаменын салайааччытын солбуйааччы Николай Питимко улуустааҕы бэтэринээрийэ управлениетын оробуочай бөлөҕүн кытары тыа хаһаайыстыбатыгар таһаарыллыбыт хоромньуну ааҕа сылдьар.

Бэтэринээрдэр хоромньуну ааҕалларын таһынан, сүөһү өлүгүн дьаһайаллар. Барыллаан ааҕыынан, баһаарга 10 ньирэй, 8 сибиинньэ, 8 куурусса, 5 хотон, биир «МТЗ» тыраахтар, биир уу баһар массыына, биир бырысыап итиэннэ 38 туонна от былдьаммыта быһаарылынна. Хоромньуну ааҕыы салҕанар, ол чахчыларга тирэҕирэн, тыа хаһаайыстыбатын табаарын оҥорооччуларга тустаах көмө оҥоһуллуоҕа.

Ыспыраапка: Бэс Күөлгэ кыралыын-улаханныын 600 киһи олорор. Тохсунньу 1 күнүнээҕи туругунан, 578 ынах сүөһү, ол иһигэр 287 ыанар ынах; 614 сылгы, ол иһигэр 427 биэ, 1223 гектар ходуһа баар.

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0