Бэс Күөл сэлиэнньэтигэр Үөһээ Бүлүү үөрэҕин үлэһиттэрэ 100 тыһ.солк. көмөлөһүөхтэрэ

Ил Дархан Айсен Николаев Бэс Күөл олохтоохторугар тустаах көмө миэрэлэрэ баар буолуохтаахтарын туһунан эттэ.

Өрөспүүбүлүкэ олохтоохторуттан бастакынан кэриэтэ Үөһээ Бүлүү улууһун
үөрэҕин үлэһиттэрэ Бэс Күөл олохтоохторугар көмө быһыытынан 100 тыһ. солк. ыытарга былааннаатылар

Бу туһунан Үөһээ Бүлүүтээҕи үөрэх управлениетын салайааччыта Спиридон Борбуев:
— Улууспут үөрэҕин профсойууһун быһаарыытынан, ойуур баһаарыттан эмсэҕэлээбит сэлиэнньэҕэ анал көмөнү оҥорорго быһаарынныбыт. Горнай улууһугар ойуур баһаара дьиэлэри кытта сиэтэ. Кыстыкка бэлэмнэнии бу тирээн кэллэ. Онон улууспут үөрэҕин үлэһиттэрэ Горнайдааҕы кэллиэгэлэригэр, туох кыалларынан, көмөлөһөргө сананан, бу күннэргэ 100 тыһ. солк. көмө быһыытынан ыытыахпыт. Маннык ыарахан түгэн бүрүүкээбитинэн бары түмсүүлээх буолуоҕуҥ, бэйэ-бэйэбитигэр көмөлөстөхпүтүнэ, баар кыһалҕалары түргэнник быһаарыахпыт диэн эрэнэбин, — диэн иһитиннэрдэ.