Горнай улууһун Бэс Күөл нэһилиэгэр ойуур баһаарыттан дьиэлэрэ эмсэҕэлээбит ыалларга туох көмө көрүллүөй? Бу туһунан СӨ бырабыыталыстыбатын бэрэссэдээтэлин солбуйааччы Ольга Балабкина телеграм ханаалыгар суруйда.
Суһал ыстаап иһитиннэрэринэн, эмсэҕэлээччилэргэ 30 тыһыынча солкуобайы таһынан эбии маннык миэрэлэр көрүллүөхтэрэ:
— Баайы-дуолу сүтэрбиттэргэ харчынан көмө көрүллүөҕэ;
— Дьиэтэ суох хаалбыттарга өрөспүүбүлүкэ суотугар дьиэ тутуохтара;
— Быстах кэмҥэ олорор пуунарга бастакы туттар малынан-салынан, аһынан-үөлүнэн хааччыйыахтара;
— Эмсэҕэлээбит ыал оҕолоро лааҕырдарга барыахтара;
— Тыа хаһаайыстыбатын министиэристибэтэ төһө суумалаах хоромньу тахсыбытын ааҕыаҕа, толуйуу баар буолуоҕа;
— Сүөһүлэрин сүтэрбиттэргэ, отторун уокка былдьаппыттарга толуйуу баар буолуоҕа;
— Урбаанньыттары өйүүр пуонда олохтоох урбаанньыттарга көмө буолуоҕа.
Хаартыска — сrimYakutia.ru