Маны аах Сүрүн Уопсастыба

Бэс Күөлүн олохтоохторун дьиэ тэриллэринэн хааччыйыахтара

СӨ Бырабыыталыстыбатын бэрэссэдээтэлин солбуйааччы Сергей Местников Атамай нэһилиэгин баһылыгар 285 тыһ.солк. суумалаах сэртипикээти туттарда. Бу «Якутия» венчурнай хампаанньа биэрбит көмөтө.

Манан дьиэҕэ-уокка туттуллар бытовой тиэхиньикэни ылыахтара диэн СИА иһитиннэрэр. «Өрөспүүбүлүкэбитигэр социальнай эппиэтинэһи сүгэр элбэх хампаанньа баар, олортон биирдэстэринэн «Якутия» венчурнай хампаанньа буолар. Хампаанньа ойуур баһаарыттан эмсэҕэлээбит нэһилиэккэ көмөлөһөр баҕалааҕын тута биллэрбитэ», — диэтэ Сергей Местников. Итиэннэ көмөлөһүөхтэрин, өйөбүл буолуохтарын баҕалаахтар Горнай улууһун эбэтэр тустаах нэһилиэк дьаһалтатыгар сибээскэ тахсыахтарын сөп диэн эттэ.

Бу көрүллүбүт сууманан нэһилиэк олохтоохторо дьиэлэригэр-уоттарыгар туһаныллар тиэхиньикэни ылыахтара диэн иһитиннэриигэ этиллэр.
0
0