Ойуур баһаарыттан дьиэлэрэ умайбыт Горнай улууһун Бэс Күөлүн олохтоохторугар биир бастакынан «Спортмастер» хампаанньа көмөлөһөн саҕалаабыта диэн СӨ Үлэҕэ уонна социальнай сайдыыга министиэристибэтин пресс-сулууспата иһитиннэрэр.
Хампаанньа балаҕан ыйыгар оҕолорго уонна улахан дьоҥҥо анаан танаһы-сабы, бэргэһэлэри, саарпыктары, бэрчээккилэри, атах таҥаһын ыыппыта. Уопсайа 6 783 000 суумалаах таҥаһы 190 киһи таҥнан, тымныы кыһыны көрсөргө бэлэм буолла.
«Бэс Күөлүн олохтоохторо бу оҥоһуллубут көмөҕө олус үөрдүлэр. «Спортмастер» маҕаһыын таҥастарын өссө хас да сезон устата кэтиэхтэрэ диэн эрэнэбин», — диэн табаары Бэс Күөлүгэр тиэрдиигэ кыттыспыт Үлэҕэ уонна социальнай сайдыыга миниистири солбуйааччы Афанасий Постников бэлиэтээн эттэ.
«Спортмастер» хампаанньа генеральнай дириэктэригэр Леонид Борисович Страховка Горнай улууһун Бэс Күөлүн олохтоохторугар гуманитарнай көмөнү оҥорбутугар махтанабыт диэн министиэристибэ иһитиннэрэр.