Бу күннэргэ айылҕа иэдээниттэн эмсэҕэлээбит Горнай улууһун Бэс Күөлүн олохтоохторо бырабыыталыстыбаттан ылбыт бастакы көмө үптэринэн тиэхиньикэ атыылаһан эрэллэр.
Ол курдук, Жирковтар дьиэ кэргэн саҥа МТЗ-82.1 тыраахтар ылыннылар.
Сотрутааҕыта Ирина уонна Леонид Ивановтарга сүөһүлэригэр саҥа хотон тутан биэрбиттэрэ. Аны кинилэр бу күннэргэ эмиэ Жирковтар дьиэ кэргэннэрин курдук көмө харчыларынан хаһаайыстыбаларыгар тутталларыгар саҥа МТЗ-82.1 тыраахтары ыллылар.
Ити курдук, ойуур баһаарыттан эмсэҕэлээбит ыаллар хаһаайыстыбаларыгар туһалаах тиэхиньикэнэн хааччынан эрэллэр. Бу туһунан Атамай нэһилиэгин пресс-киинэ бэйэтин инстаграмыгар иһитиннэрэр.
Елена ПОТОЦКАЯ, «Саха сирэ» хаһыат.
Хаартыска: Атамай нэһилиэгин пресс-киинэ
+1
+1
+1
+1
+1
+1
+1