Бэс Күөлүн оҕолоро “Артек” кииҥҥэ көттүлэр

Ааптар: 
Бөлөххө киир:

Горнай улууһун Бэс Күөлүн 35 оҕото бэҕэһээ “Артек” аан дойдутааҕы оҕо киинигэр сынньана, доруобуйатын бөҕөргөтө көттө. Бу тустаах нэһилиэктэн сынньана барар үһүс бөлөх буолар. Оҕолору кытта СӨ үөрэҕин уонна наукатын миниистирэ Михаил Сивцев көрүстэ.

Санатан эттэххэ, Арассыыйа бэрэсидьиэнэ Владимир Путин, дойду бырабыыталыстыбатын уонна СӨ Ил Дархана Айсен Николаев сорудаҕынан, ойуур баһаарыттан эмсэҕэлээбит улуустартан 200 оҕо «Орлёнок», «Артек» уонна «Океан» курдук оҕо федеральнай кииннэригэр сынньана бараллар.

Бастакы бөлөх билигин Краснодарскай кыраай “Орленок” лааҕырыгар сынньана сылдьар, атырдьах ыйын 30 күнүгэр кэлиэхтээхтэр. Иккис 70 оҕолоох бөлөх Владивосток куоракка Бүтүн Арассыыйатааҕы “Океан” киинигэр атырдьах ыйын 20 күнүгэр көппүтэ. Ону тэҥэ, бүгүн, атырдьах ыйын 26 күнүгэр Крым Өрөспүүбүлүкэтигэр “Артек” лааҕырга уонна балаҕан ыйын 1 күнүгэр “Орленок” лааҕырга көтүөхтэрэ.

Оҕолор делегациялара Дьокуускайга “Бэс Чагда” оҕо киинигэр олорбута, онно кинилэргэ мэдиссиинэ көрүүтүн, сынньалаҥы уонна тырааныспардарын тэрийбиттэрэ.

Көтүөхтэрин иннинэ дэлэгээссийэ салайааччыта, Горнай улууһун Бэс Күөлэ сэлиэнньэтин Атамай оскуолатын дириэктэрэ Мотрена Ефремова оҕолор төрөппүттэрин уонна оскуола салалтатын аатыттан, өрөспүүбүлүкэ тас өттүгэр барыыны тэрийбиттэрин, истиҥник көрсүбүттэрин, олордубуттарын иһин СӨ Ил Дарханыгар Айсен Николаевка, СӨ Бырабыыталыстыбатыгар, СӨ Үөрэҕин уонна наукатын министиэристибэтигэр, “Бэс Чагда” киин салайааччытыгар Яна Ивановаҕа, кэлэктиипкэ махталын биллэрдэ. Оҕолор сынньана баран эрэллэриттэн олус үөрэллэрин, санаалара өрө көтөҕүллүбүтүн, доруобуйаларын бөҕөргөтөллөрүгэр уонна дойду биир бастыҥ лааҕырын “Артегы” көрөллөрүгэр  үчүгэй кыах буоларын бэлиэтээтэ.

edersaas.ru

+1
0
+1
0
+1
0
+1
0
+1
0
+1
0
+1
0