Маны аах Сүрүн Тыа хаһаайыстыбата

Бэс Күөлүгэр тыа хаһаайыстыбатын чөлүгэр түһэриигэ 57 мөл солкуобайы ыыттылар

Бэс Күөлүгэр тыа хаһаайыстыбатын чөлүгэр түһэриигэ 57 мөл солкуобайы ыыттылар. Бэс Күөлэ чөлүгэр хайдах түһэрин манна ааҕыҥ. 

Горнай оройуонун Бэс Күөлүн сэлиэнньэтигэр чөлүгэр үлэ торумнаммыт кыраапыгынан ыытыллар. Тыа хаһаайыстыбатын хайысхатынан хотоннор тутуллаллар, сотору кэминэн сүөһүнү, оту аҕалыахтара, тыраахтардары атыылаһыахтара. Бу туһунан Саха сирин тыатын хаһаайыстыбатын миниистирин солбуйааччы Николай Афанасьев этиитигэр сигэнэн СИА иһитиннэрэр.

“Үлэ барар. Сүүс төбөҕө анаммыт сүөһү иитэр комплекс тутуллан бүтэн эрэр, алтынньы 16 күнүттэн үлэҕэ киллэриэхтэрэ. Маны сэргэ Тыа хаһаайыстыбатын министиэристибэтин нөҥүө кэтэх ыалларга 6 хотон тутулунна, сороҕо сайылыктарга. Сотору кэминэн Бэс Күөлүгэр ынах сүөһүнү, сибиинньэлэри, кууруссалары аҕалыахтара, сүрүннээн, Мэҥэ Хаҥалас улууһуттан”, — диэтэ Николай Афанасьев.

Биэдэмистибэ оту эмиэ таһар, хайы-үйэ 150 туонна кэриҥэ тиэйилиннэ, сыл бүтүөр диэри 450 туоннаны ыытыахтара. Умайбыт тыраахтардар оннуларыгар тыа хаһаайыстыбатын тиэхиньикэтэ ылылынна. Бэс Күөлүн тыа хаһаайыстыбатын чөлүгэр түһэриигэ 57 мөл солкуобай кэриҥин биэрдилэр.

Санаттахха, Саха сирин баһылыга Айсен Николаев атырдьах ыйыгар суһал ыстаап мунньаҕар хотонноро уонна отторо умайбыт дьоҥҥо суһаллык көмөлөһөр наадатын ыйбыта. Маннык сорудах Тыа хаһаайыстыбатын министиэристибэтигэр сүктэриллибитэ.

Сахагов

Бэлэмнээтэ Женни Стрюкова

Хаартыска: тустаах саайтан.

 

0
0