Маны аах Уопсастыба

Бэс Күөлүгэр тахсыбыт хоромньуну быһаарыыга оробуочай бөлөх үлэлиир

Горнай улууһун Бэс Күөлүгэр  баһаарга социальнай эбийиэктэр эмсэҕэлээбэтилэр.

Арассыыйа ЫБММ-тин чахчытынан, 32 тутуу, ол иһигэр 20 олорор дьиэ уокка былдьанна. Баайга-дуолга уонна сиргэ сыһыаннаһыы миниистирин солбуйааччы Ньургустаана Пахомова «Өрөспүүбүлүкэтээҕи техническэй учуот уонна техническэй инвентаризация киинэ» сударыстыбаннай унитарнай тэрилтэ исписэлиистэрэ А.Николаевы, З.Никулинаны кытары хоромньуну быһаарыыга эбийиэктэри инвентаризациялыырга сир учаастактарын чинчийиини ыыттылар.

– Биһиги сир учаастактарын кэрийэн көрдүбүт уонна «ФотоН» аргыс систиэмэ көмөтүнэн фотосъемка уонна сир учаастактарын баайыытын оҥордубут. Бу чахчыларга олоҕуран, хоромньуну барыллаан ааҕыы оҥоһуллуоҕа, – диэтэ Ньургустаана Пахомова «Якутия24» телеханаалга интервью биэрэригэр.

Бу туһунан Баайга-дуолга уонна сиргэ сыһыаннаһыы министиэристибэтин пресс-киинэ иһитиннэрэр.

Раиса Сибирякова, edersaas.ru

0
0