Маны аах Уопсастыба

Бэс Күөлүгэр үлэлээбит тутааччыларга бүгүн хамнастарын төлөөтүлэр

Бу күннэргэ Горнай улууһун Бэс Күөлүгэр дьиэлэри тутууга үлэлээбит  тутааччылар хамнастарын ыла иликтэрин туһунан сонун социальнай ситиминэн тарҕаммыта.  «Аурис» тэрилтэ үлэһиттэрэ хамнастарын ыла иликтэр диэн буолбута. Аны туран, тэрилтэ салайааччыта  алтынньы 25 күнүгэр балыыһаттан саҥа тахсыбыта.

Бүгүн «Аурис» тэрилтэ дириэктэрэ Алексей Колочевка эрийэн билсибиппитигэр: «Боппуруос быһаарылынна. Бүгүн  Бэс Күөлүгэр үлэлээбит тутааччыларга хамнастарын барытын төлөөтүбүт. Манна биири өйдүөххэ наада. Үлэ бара турар кэмигэр үлэһиттэргэ биирдэ абаанса быһыытынан хамнас төлөөбүппүт», — диэн  иһитиннэрдэ.

Онон Бэс Күөлүгэр үлэлээбит тутааччыларга барыларыгар хамнас төлөннө.

 

0
0
Telegram Whatsapp