Маны аах Тыа хаһаайыстыбата

Бэс Күөлүгэр бүгүн тоҕус тарбыйаҕы уонна сүүрбэ кууруссаны тиэрдиэхтэрэ

Горнай улууһун Бэс Күөлүгэр бүгүн тоҕус тарбыйаҕы уонна 20 кууруссаны тиэрдиэхтэрэ. 
Бу ойуур баһаарыттан хаһаайыстыбаларыгар хоромньуламмыт дьоҥҥо «Экоферма Туймаада», «Хорообут» ХЭУо, «Тумул» ТХПК  уонна «Дьокуускайдааҕы көтөрү иитэр фабрика» көмөлөһөллөр. Бэтэринээринэй ирдэбиллэр уонна бэрээдэк тутуһуллар. Бу туһунан СӨ Тыатын хаһаайыстыбатын министиэристибэтин пресс-сулууспата иһитиннэрэр.
Тыа хаһаайыстыбатын миниистирэ Александр Атласов бэлиэтээбитинэн, Бэс Күөлүгэр тиэрдэн биэрии «Сахаагроплем» ГБУ биир кииннэнэн  ыытыллар. Маны сэргэ, икки өртүттэн сөбүлэһиинэн, ойуур баһаарыгар сибиинньэлэрин оҕолоруттан уонна куруолуктарыттан мэлийбит дьоҥҥо, » Хатастааҕы сибиинньэ комплекса» ХЭУо уонна «Сибирь» ПТКХ тыа хаһаайыстыбатын бородууксуйатынан, сибиинньэ этинэн, илдьэн биэриэхтэрэ.
Санатан эттэххэ, Бэс Күөлүгэр ойуур баһаара 26 хаһаайыстыбаҕа хоромньуну оҥорбута. Бүгүҥҥү күҥҥэ бэлиэтэнэринэн 9 ынах сүөһү, 8 сибиинньэ, 20 куурусса уонна 123 куруолук ойуур баһаарыгар былдьаммыт.
0
0