Уопсастыба

“Бөртөлөр” Дьокуускайга саҥа киосканы арыйдылар

Хаҥалас улууһун II Малдьаҕар нэһилиэгэр баар “Бөртө” сылгы собуота” хааччахтаммыт эппиэтинэстээх тэрилтэ бэйэтин иһинэн тэриммит «Бөртө-Ас» бүгүн Дьокуускайга анал киоскатын арынна.

edersaas.ru

Даҕатан эттэххэ, бу хаһаайыстыба ааспыт сылтан «Туймаада» ҮАПК иһинэн тэриллэн үлэлиир. “Туймаада” ҮАПК кэлэр өттүгэр маннык киоскалары, маҕаһыыннары элбэтэн, тэрийэн үлэлэтэр хаһаайыстыбаларын (“Бөртө” сылгы собуота”, “Нөмүгү агрофирма”, “Өлүөхүмэ кыладабыайа”, “Хатастааҕы сибиинньэ комплекса” хааччахтаммыт эппиэтинэстээх тэрилтэлэр итиэннэ Нерюнгритааҕы көтөр фабрикатын) оҥорон таһаарар экологическай өттүнэн ыраас, сибиэһэй эттэрин-үүттэрин уонна оҕуруоттарын батарыыны кэҥэтэр былааннаах.

Саҥа киоска киин куорат Петр Алексеев аатынан уулуссатын 6/1 №-гэр, «Олоҥхо» атыы-эргиэн дьиэтин таһыгар турар. Бу иннинэ “бөртөлөр” астарын-үөллэрин атын тэрилтэлэри кытары дуогабардаһан батарар буоллахтарына, билигин туораттан тиксиһиннэрээччитэ суох, бэйэлэрэ атыылыыр буоллулар. Киоска үлэ күнүгэр сарсыарда 10 чаастан киэһэ 7 чааска, өрөбүлгэ 5 чааска диэри үлэлиэҕэ.

Раиса Сибирякова, «Саха сирэ» хаһыат, edersaas.ru.

0
0

Добавить комментарий