Саха сирин бэргэн ытааччылара Арассыыйа чөмпүйэнээтигэр күрэхтэһэллэр.
От ыйын 24-26 күннэригэр «Демидовскай» спортинг-кииҥҥэ (Нижнэй Тагил) ыытыллар чөмпүйэнээккэ 200 спортсмен күөн көрсөр. Манна соторутааҕыта Тольяттига уонна Москваҕа Арассыыйа куубагын түһүмэхтэрин кыайыылаахтарынан тахсыбыт бэргэн ытааччыларбыт Айаал Макаров уонна Николай Кобяков кыттыбаттар диэн Спорт Якутии иһитиннэрэр.
Бу күрэхтэһиигэ «А» категорияҕа, дойду чулуу спортсменнарын кытары, Саха сириттэн РФ спордун маастардара Игорь Егоров, Степан Чепалов уонна Артур Николаев күөн көрсөллөр. Оттон «В» уонна «С» категорияларга бэтэрээннэргэ уонна юниордарга мэтээл ылар иһин, өрөспүүбүлүкэттэн сүүрбэччэ спортсмен күрэхтэһэр.
Үс күннээх илин-кэлин түсүһүү түмүгүнэн, «Суперфиналга» саамай бастыҥ көрдөрүүлээх алта спортсмен күөн көрсүөхтээх.
+1
+1
+1
+1
+1
+1
+1