Бүгүн Орто Халыма улууһун Березовкатыгар халаан уута «ОДьКХ» ГУП 1 №-дээх хочуолунайын уонна дизельнэй электростанцияны ылла. Ол гынан баран, коммунальнай хаһаайыстыба үлэһиттэрэ барытыгар бэлэм олорбуттара.
Александр ТАРАСОВ, «Саха сирэ» хаһыат, edersaas.ru
– Орто Халыматааҕы «ОДьКХ» ГУП филиалын үлэһиттэрэ халаан уута кэлэригэр бары өттүнэн бэлэмнэр этэ. – «ОДьКХ» ГУТ суһал управлениетын департаменын начаалынньыгын солбуйааччы Егор Аммосов кэпсиир. – Өрүс уутун таһыма үрдүүрүн кытта коммунальнай хаһаайыстыба үлэһиттэрэ хочуолунай носуостарын, атын наадалаах тэриллэри барытын ууттан куоттаран, үрдүк сиргэ уурбуттара. Хочуоллар алын өттүлэрэ ууга тураллара улахан куттала суох. Уу түстэҕинэ, барыта куурдуллуоҕа. Билиҥҥи туругунан 400 м ититэр ситим уу анныгар сытар.
Александр ТАРАСОВ, «Саха сирэ» хаһыат, edersaas.ru