Бэлиитикэ

Бэрэсидьиэн кэккэ сорудахтары биэрдэ

Бүгүн дойду бэрэсидьиэнэ Владимир Путин бырабыыталыстыба үлэһиттэрэ кыттыылаах ыыппыт мунньаҕар саҥа сорудахтары туруортаата.

edersaas.ru

Ол курдук, бастатан туран, дойду аҕа баһылыга хааччахтыыр тэрээһиннэр, тырааныспар бары көрүҥэр санитарнай-эпидемиологическай миэрэлэр, мааскалаах сылдьыы, социальнай дистанция тутуһуллалларын хонтуруоллааһыны күүһүрдэргэ эттэ. Манан эрэгийиэн баһылыктара Роспотребнадзору кытта дьарыктаналлара ирдэнэрин ыйда.

Иккиһинэн, көрдөрөр-аралдьытар тэрээһиннэри ыытыыга уонна уопсастыбаннай аһатар сирдэргэ өҥөнү оҥорууну киэһэ 23:00 чаастан сарсыарда 6:00 чааска диэри тохтоторго.

Үсүһүнэн, коронавируһу бэрэбиэркэлииргэ экспресс-тестар туһаныллыахтарын эттэ. Ыалдьыбыт уонна хантаахтаах дьону тута доруобай дьонтон туспа сытыарарга ыйда. Кылгас кэм иһигэр изоляциялыыр наадатын бэлиэтиир.

Төрдүһүнэн, коронавирустан быһыыны ылар үлэлиир дьоҥҥо икки күн хамнастарын хаалларан туран өрөбүл биллэрэргэ сүбэлээтэ.

Бэсиһинэн, 60-тан үөһэ саастаах уонна хроническай ыарыылаах дьону түөрт нэдиэлэ устата вакцина ылалларын (мэдиссиинэ өттүнэн көҥүллэнэр буоллаҕына) уонна иммунитеттара бөҕөргүү түһэрин туһугар дистанционнай эрэсиимҥэ көһөрөллөрүгэр сүбэлээтэ.

 

Людмила ПОПОВА, “Саха сирэ” хаһыат, edersaas.ru

Хаартыска: СИА 

1
0