Муус устар 6 күнүгэр РФ бэрэсидьиэнин гранын иккис түһүмэҕэр сайаапкалары ылыы түмүктэннэ. Манна барыта 11 085 сайаапка киирбит. Араас эрэгийиэннэртэн 9 241 кэмиэрчэскэйэ суох тэрилтэ сайаапка биэрбититтэн, 2 564 тэрилтэ аан бастаан кыттар.
edersaas.ru
Саха сирэ аан бастаан маннык элбэх сайаапканан кыттан, Уһук Илин эрэгийиэнигэр бастакы миэстэҕэ таҕыста – 140 сайаапка, иккис миэстэҕэ Хабаровскай кыраай – 123 сайаапка, үһүскэ – Приморскай кыраай – 87 сайаапка.
Саамай элбэх сайаапка историяны үйэтитиигэ – 46, доруобуйа харыстабылыгар, чөл олоҕу тарҕатыыга – 34, наукаҕа, үөрэҕириигэ бырайыактары өйөөһүн – 33, социальнай көмүскэлгэ – 24, култуураҕа, искусствоҕа – 26, ыччат бырайыактарыгар – 17, уо.д.а.
Ордук элбэх, Дьокуускайтан – 78, Горнайтан – 15, Чурапчыттан – 10, Алдан оройуонуттан – 5 сайаапка киирбит.
Түмүк от ыйын 1 күнүгэр тахсан, Бэрэсидьиэн граннарын пуондата кыайыылаах бырайыактары үбүлээһини саҕалыаҕа. Барыта 3,5 миллиард солкуобайы тыырыахтара.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru