«Бэрэсидьиэн бэлиитикэтэ олоххо киирэрин күннээҕи олохпутугар көрөбүт»

Бөлөххө киир:

«Дойдубут бэрэсидьиэнэ Владимир Путин бэҕэһээҥҥи улахан пресс-кэмпириэнсийэтигэр этиилэрэ оруннаахтарын биһиги ыраах Саха сиригэр күннээҕи олохпутугар көрсөбүт», -– диэн этэр Никита Васильевич Матвеев.

САССР, РФ үтүөлээх бырааһа, оройуон сэбиэтин дьокутаата, Бүлүү улууһун бочуоттаах олохтооҕо Никита Матвеев:

— Бэрэсидьиэн быйылгы кэмпириэнсийэтигэр быйылгы сыл социальнай хайысхалаах буолбутун тоһоҕолоон бэлиэтээтэ. Доруобуйа харыстабылын, үөрэхтээһин, хаарбах дьиэлэртэн дьону көһөрүү бэлиитикэтэ салҕыы ыытыллыахтааҕын туһунан ыйытыктары чопчутук быһаарда. Быйыл дойду куораттарыгар уонна эрэгийиэннэргэ тутуу хайа да сыллардааҕар тэтимнээхтик барарын бэлиэтээтэ.

Итини биһиги Саха сиригэр күннээҕи олохпутугар күн аайы көрсөбүт. Холобур, Бүлүү улууһугар тутуу тэтимнээхтик барар. 2022 сыл үүнээри турдаҕына улуус салалтата үтүө үгэскэ кубулуйбут Саҥа дьыллааҕы бэлэҕин туттарда. Ол курдук, Бүлүү олохтоохторо 2-3 этээстээх, элбэх кыбартыыралаах дьиэлэр күлүүстэрин тутан махталлара улахан.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0