Бэрдьигэстээххэ волонтёрдар үлэлэрин сөргүттүлэр

Ааптар: 
Бөлөххө киир:

Бу күннэргэ Горнай улууһун аҕам саастаах дьонугар анаан, «Доброволец» волонтердар этэрээттэрэ быйылгы үлэтин сөргүттэ.

Коронавирус сыстыганнаах дьаҥа улууска тарҕана турарынан сибээстээн, 65 саастарыттан үөһээ саастаах кырдьаҕастарга уонна доруобуйаларынан хааччахтаах дьоҥҥо аһы-үөлү, эми-тому уонна дьиэҕэ туттуллар малы-салы маҕаһыынтан атыылаһан, дьиэлэригэр тиэрдэн биэрэллэр.

Көмөҕө наадыйар дьон үлэ чааһыгар: 8924-3628552 нүөмэргэ эрийэн сиһилии билсиэхтэрин сөп.

Быйыл саас волонтёрдар дьиэттэн тахсар кыахтара суох дьоҥҥо сүҥкэн көмөнү оҥорбуттара.

Коронавирус сыстыганнаах дьаҥа бу күһүн эмиэ өрө туран, дьоҥҥо олус наадалаах, туһалаах хамсааһын саҕаламмыта. Быйылгы тыҥааһыннаах кэмҥэ, Ийэ дойдуга бэриниилээх буолуу сыла ордук ураты ис хоһоонноох уонна суолталаах.

Елена ПОТОЦКАЯ, «Саха сирэ» хаһыат, edersaas.ru

Хаартыска: Горнай улууһун дойдулаахтарын түмсүүтүттэн

+1
0
+1
0
+1
0
+1
0
+1
0
+1
0
+1
0