Балаҕан ыйын 16 күнүгэр СӨ ОДьКХ уонна Энергетикаҕа миниистирин бастакы солбуйааччы Виктор Романов Горнай улууһун Бэрдьигэстээҕэр ууну ыраастыыр ыстаансыйаны тутуу хаамыытын көрдө. Бу эбийиэк «Ыраас уу» бырайыак уонна «Олорор дьиэ уонна куорат эйгэтэ» эрэгийиэннэээҕи бырагыраама чэрчитинэн олоххо киирэр.
Бүгүҥҥү күн туругунан, ууну ыраастыыр ыстаансыйа уонна 2-с носуос ыстаансыйатын акылааттара түспүттэр. 10 куб.м. иэннээх канализация мунньар сирэ олоҕун булбут. Сэлээркэнэн үлэлиир электро-ыстаансыйа миэстэтигэр тиийбит, носуос ыстаансыйатын тутар матырыйаал тиксэриллибит.
300 куб. м. иэннээх уу баахтара таҥылла тураллар, 280 миэтирэ усталаах турба ситимэ тардыллыбыт, холбооһун уонна ититии үлэлэрэ бара тураллар.
Бырайыак барылынан ыстаансыйа 2022 сыл тохсунньутугар үлэҕэ киириэхтээх. Барыта холбоон 203,67 мөл. солк. үп федеральнай, өрөспүүбүлүкэтээҕи уоннна олохтоох бүддьүөттэн көрүллэрэ күүтүллэр. Эбийиэк үлэлээн бардаҕына 7 тыһыынча киһи ыраас уунан хааччыллыаҕа.
Эбийиэк сакаасчыта — Горный улууһун муниципальнай тэриллиитэ. Сүрүн бэдэрээтчит — «Монтажник» хампаанньа.
Виктор Романов болдьоммут кэмҥэ былааннаммыт үлэлэр туттарылла туралларыгар сорудахтаата.
«Саха сирэ» хаһыат, edersaas.ru
Хаартыска — sakha.gov.ru