Бэрдьигэстээххэ саҥа дьиэлэр дьэндэһиэхтэрэ

Ааптар: 
Бөлөххө киир:

Горнай улууһугар Бэрдьигэстээххэ саҥа дьиэлэр тутуллуохтара.

«СӨ судаарыстыбаннай сакаасчыт  сулууспата» ГКУ улуус киинигэр дьиэлэри тутууга көҥүлү ылла. «Олорор дьиэ уонна куорат эйгэтэ» национальнай бырайыагы олоххо киллэрии иитинэн, билигин 743 киһи олорор  хаарбах дьиэтиттэн, 2021 сылга түһүмэхтэринэн, улууска 8 114 кв.м. көһөрүү үлэтэ ыытыллыаҕа.
«2022 сыл бүтүөр диэри Бэрдьигэстээххэ Парфенов уулуссатыгар судаарыстыбаннай сакаасчыт сулууспата  элбэх кыбартыыралаах сэттэ олорор дьиэни (уопсай иэнэ 8 685 кв. м.) тутуоҕа. Билигин учаастагы бэлэмнииллэр, матырыйааллары аҕалаллар. Аҕыйахтыы мэндиэмэннээх дьиэлэр кэккэлээбит түөлбэлэригэр социальнай эбийиэктэр баар буолуохтара, дуоһуйа сынньанар сирдэр тэриллиэхтэрэ», — диэн бэлиэтээтэ СӨ Бырабыыталыстыбатын Бэрэссэдээтэлин бастакы солбуйааччы Кирилл Бычков.
Горнай улууһугар 2025 сыл ахсынньы ый бүтэһигэр диэри хаарбах дьиэлэри көтүрүөхтээхтэр (уопсай иэнэ 19 659 кв. м. тэҥ). Ол эбэтэр барыта 91 дьиэ, онно билигин 1 647 киһи олороро бэлиэтэнэр.
Манна даҕатан эттэххэ, 2017 сыл тохсунньу 1 күнүгэр диэри хаарбах туруктааҕынан билиниллибит олорор пуондаттан көһөрүү «Олорорго сөбө суох дьиэ пуондатын олоччу аччатыыны хааччыйыы”  федеральнай бырайыак иитинэн ыытыллар. Тэрээһин «Олорор дьиэ уонна куорат эйгэтэ» национальнай бырайыак чэрчитинэн олоххо киллэриллэр.
+1
0
+1
0
+1
0
+1
0
+1
0
+1
0
+1
0