Оҕо күнүгэр Горнай улууһун Бэрдьигэстээҕэр улууска үөрүүлээх быһыыга-майгыга бастакы мини-зоопарканы арыйдылар.
Зоопарка хаһаайката — Бэрдьигэстээхтээҕи улуус гимназиятын 9 кылааһын үөрэнээччитэ Яна Данилова. Кыыс улуустааҕы «Бизнес-стартап» куонкуруһун кыайыылаахтарыттан биирдэстэрэ.
Бэрдьигэстээх гимназиятын бэпэчиитэлэ Василий Николаев биисинэс салаатыгар кыахтаах оҕолорго анаан ыыппыт куонкуруһугар Яна Данилова «Дьиэ кэргэн зоопарката (Mini-Zoo)» диэн бырайыагы көмүскээн, олоххо киллэрдэ. Яна урбаанньыт быһыытынан нолуок инспекциятыгар учуокка турда. Онон биисинэскэ сокуоннайдык киирдэ.
Зоопарка Даниловтар дьиэ кэргэн тиэргэнигэр аһылынна. Манна дьиэ кыылын-сүөлүн 18 көрүҥэ киирдэ.
Эдэр урбаанньыты улуус баһылыга Никита Андреев эҕэрдэлээтэ.
Елена ПОТОЦКАЯ Саха сирэ хаһыат, edersaas.ru
Хаартыскаларга Ксения Васильева түһэриилэрэ