Нацбырайыактар Сүрүн

Бэрдьигэстээххэ нацбырайыагынан Оҕо бибилэтиэкэтэ аһылынна

Горнай Бэрдьигэстээҕэр «Култуура» национальнай бырайыак чэрчитинэн Оҕо бибилэтиэкэтэ аһылынна. Бу туһунан СИА иһитиннэрэр.

Бибилэтиэкэ аһыллар үөрүүлээх чааһыгар СӨ Бырабыыталыстыбатын бэрэссэдээтэлин солбуйааччы Сергей Местников, Култуура уонна духуобунай сайдыы миниистирин солбуйааччы Владислав Левочкин, Горнай улууһун баһылыга Никита Андреев, Саха сирин Национальнай бибилэтиэкэтин дириэктэрин солбуйааччы Светлана Попова онлайн киэбинэн эҕэрдэлээтилэр.

«Саха сирэ Уһук Илиҥҥэ модельнай бибилэтиэкэни тэрийиигэ инники күөҥҥэ сылдьар. Горнай улууһа өрөспүүбүлүкэ биир көхтөөх улууһунан буолар, улуус, өрөспүүбүлүкэ, дойду таһымнаах грант куонкуруһугар өрүү ситиһиилээхтик кыттар. Бүгүҥҥү күҥҥэ модельнай бибилэтиэкэ кинигэни харайар, ааҕар эрэ сир буолбатах, манна оҕо сайдар, талаанын арыйар, сынньалаҥын туһалаахтык атаарар», — диэн Сергей Местников эттэ.

«Култуура» национальнай бырайыак чэрчитинэн ыытыллыбыт куонкуруска Бэрдьигэстээх бибилэтиэкэтэ 2020 сыллаахха 5 мөлүйүөн солкуобайы ылбыта.

СИА.

0
0
Telegram @edersaas20