СӨ Бырабыыталыстыбатын бэрэссэдээтэлин бастакы солбуйааччы Алексей Колодезников салайааччылаах суһал бөлөх Горнай Бэрдьигэстээҕэр сүбэ мунньах ыытта.
Олорор дьиэлэри Бэрдьигэстээх орто оскуолатын хочуолунайыгар холбооһун үлэлэрэ ыытыллар.
«Киэһээ 18 чааска олорор дьиэлэри ититиигэ холбооһун соруга туруорулунна. Билигин модульнай хочуолунайы таҥыы, туруоруу ыытыллар. Оһоҕунан оттуллар дьиэлэр олохтоохторо маһынан хааччылыннылар. Түөрт киһи эвакопууҥҥа, атыттар аймахтарынан бардылар. Чөлүгэр түһэрии үлэлэригэр Мэҥэ Хаҥалас, Хаҥалас улуустарын биригээдэлэрэ кэлэн көмөлөһө сылдьаллар. Өссө Үөһээ Бүлүү, Бүлүү улуустарыттан үлэһиттэр кэлэллэрэ күүтүллэр», — диэн вице-премьер иһитиннэрдэ.
Анивера АКИМОВА, «Саха сирэ» хаһыат, edersaas.ru
+1
+1
+1
+1
+1
+1
+1