Кэлиҥҥи кэмҥэ Саха сиригэр IT-технологияны баһылааһын күүскэ барар. Бу салааны сайыннарарга аналлаах кииннэр улуустарга аһыллан үлэлииллэр.
Ол курдук бэҕэһээ, сэтинньи 12 күнүгэр, Горнай улууһугар Бэрдьигэстээххэ IT-киини үөрүүлээх быһыыга-майгыга астылар. Санатар буоллахха, бу өрөспүүбүлүкэ үрдүнэн 11-с киин буолар.
«Улууска сыыппара технологията күүскэ киирэр. Онно аналлаах үлэни тиһигин быспакка ыыталлар. Нэһилиэктэргэ барыларыгар түргэн интэриниэт баар. Дудкин аатынан сибээс кэллиэһин базатыгар олоҕуран, оскуолаҕа IT-кылаас арыллара ситиһиллибитэ. Итинтэн сиэттэрэн кэллиэс филиалын аһан үлэлэтэр былаан баар», — диэн СӨ инновацияҕа миниистирэ Анатолий Семенов быһаарар.
Бэрдьигэстээхтээҕи кииҥҥэ IT куурустар, сэминээрдэр, куонкурустар былаан быһыытынан тэриллиэхтэрэ.