«Култуура» национальнай бырайыак чэрчитинэн, Бэрдьигэстээххэ Духуобунас киинэ саҥардылынна.
Сөмен уонна Софрон Даниловтар ааттарынан Духуобунас киинин хапытаалынай өрөмүөн түмүктэннэ. Бу 2022 сылга «Култуура» национальнай бырайыак чэрчитинэн өрөмүөннэммит бастакы эбийиэк буоларын туһунан СӨ Култуураҕа министиэристибэтин пресс-сулууспата иһитиннэрдэ.
Бэрдьигэстээх ортотугар турар Духуобунас киинигэр дьон сөбүлээн сылдьар. «Тэрилтэ 2012 сыллаахха тэриллибитэ. Манна дьон-сэргэ интэриэстэринэн мусталлар. Уон сыл устатыгар үлэлээбит кииҥҥэ хапытаалынай өрөмүөнү ыытар наада буолбута«, — диэн этэр СӨ Култуураҕа уонна духуобунай сайдыыга миниистирэ Юрий Куприянов.
Духуобунас киинин өрөмүөнүгэр 3,47 мөл.солк.бэриллибит, ол иһигэр 3,2 мөл. солк. федеральнай бүддьүөттэн, 200 тыһ. солк. тахса өрөспүүбүлүкэ бүддьүөтүттэн, 69,5 тыһ. солк. олохтоох бүддьүөттэн. Киирэр ааннар уларытылыннылар, дьиэ ис өртө оҥоһулунна, уота-күөһэ уларыйда, дьиэ таһа өрөмүөннэннэ.
Тэрилтэ иһигэр 200 миэстэлээх киинэ саалата баар, 28 уус-уран кэлэктиип уонна куруһуоктар үлэлииллэр.
Манна киин библиотечнай ситим уонна Горнай улууһун култуураҕа, духуобунай сайдыыга управлениета бааллар.
Быйылгы сылга өрөспүүбүлүкэҕэ алта култуура-сынньалаҥ тэрилтэтигэр уонна оҕо ускуустубатын уон оскуолатыгар хапытаалынай өрөмүөннэр ыытыллара күүтүллэр.
+1
+1
+1
+1
+1
+1
+1