“Бүлүү” федеральнай суола тупсубута ыраах айаннааччыларга эрэ буолбакка, чугас сытар улуустар олохтоохторугар эмиэ олус табыгастаах.
еdersaas.ru
Ол курдук, атырдьах ыйыттан Дьокуускай — Маҕарас — Бэрдьигэстээх маршрутунан дьону таһар оптуобус сырыытын саҕалаата. Бэрдьигэстээххэ тиийэ барааччы-кэлээччи айанньыт таксинан 800 солкуобайы төлөөн айанныыр буоллаҕына, билигин сабыс-саҥа, тупсаҕай олбохтоох оптуобуһунан 404 солкуобайы төлөөн айанныан сөп буолла. Барыллаан былаанынан, атырдьах ыйыгар оптуобус сэрэдэ уонна баскыһыанньа күннэргэ айанныаҕа. Онтон бу оптуобус кыһын эмиэ сылдьарын туһугар, Бэрдьигэстээх сэлиэнньэтигэр “Дальнобой” кафе уонна Маҕарас сэлиэнньэтигэр Сынньалаҥ киинин таһыгар тохтобуллары оҥорор былааннаахтар.
Надежда ЕГОРОВА, «Саха сирэ», еdersaas.ru