Бу күннэргэ Бэрдьигэстээх нэһилиэгэр кытаанах бөх-сыыс тоҕор сыбаалка аттынааҕы сиргэ 250 миэтэрэ уһуннаах киирии суол өрөмүөннэнэр.
edersaas.ru
Улуустааҕы МТ пресс-сулууспата иһитиннэрэринэн, сыбаалка суолун өрөмүөннүүргэ 900 тыһ. солк. аукцион биллэриллэн, Павлов А.Х. ИП кыайан үлэни сүрүннүүр. Итиэннэ Бэрдьигэстээхтээҕи РЭС сыбаалка суолугар турар үрдүк күүрүүлээх уот остуолбатын тимир остуолбаҕа уларытар.
Бэрдьигэстээх нэһилиэгэр бөҕү-сыыһы тоҕор сыбаалка аттынааҕы сиргэ-уокка бөҕү-сыыһы, кытаанах коммунальнай тобохтору бэйэ тиэйиитэ, таһыыта, харайыыта бобулунна.
Улууска кытаанах коммунальнай бөҕү-сыыһы хомуйуунан, харайыынан «Якутскэкосети» региональнай оператор дьарыктанар. Физическэй сирэйдэри, тэрилтэлэри уонна эргиэн кииннэрин, маҕаһыыннары кытта «Якутскэкосети» региональнай операторы кытта дуогабардаһан эрэ баран, тиэллэрэ ирдэннэ.
Елена ПОТОЦКАЯ, «Саха сирэ» хаһыат, edersaas.ru
Хаартыска — «Горнай улууһа» МТ саайтыттан.