Бүгүн, тохсунньу 23 күнүгэр, сарсыарда 6 чаас саҕана Уус Маайа Белькачитыгар дизельнэй электростанция умайбытын туһунан суһал иһитиннэрии Киин диспетчерскэй сулууспаҕа киирбитэ. 1993 сыллаахха тутуллубут мас дьиэ барыта умайбытын туһунан СӨ Олох-дьаһах, коммунальнай хаһаайыстыба министиэристибэтин пресс-сулууспата иһитиннэрдэ.
Белькачи сэлиэнньэтигэр 173 киһи олорор. 62 олорор дьиэ баар. Нэһилиэги электричество уотунан хааччыйыыга Уус Маайа бөһүөлэгиттэн көһөрүллэ сылдьар ДЭС-и илдьиэхтэрэ. Бүгүҥҥү туругунан, 36 тонна уматык саппааһа баар. «Сахаэнерго» АУо иһитиннэрбитинэн, бүгүн 6 киһилээх биригээдэ бөртөлүөтүнэн 80 кВт кыамталаах дизель-генераторы тиэйэн илдьиэ. Маны таһынан, «Амур Золото» артыал дизель-генераторын туһанар туһунан боппуруос үөрэтиллэ сылдьар. Бу артыал Белькачиттан 1,5 килэмиэтирдээх сиргэ сытар.
Анивера АКИМОВА.
+1
+1
+1
+1
+1
+1
+1