Уопсастыба

Бэлиэ күнү көрсө былааннаммыт тэрээһиннэр

Саха Өрөспүүбүлүкэтин судаарыстыбаннаһын күнүн көрсө, балаҕан ыйын 23-30 күннэригэр, өрөспүүбүлүкэ бары улуустарыгар тэрээһиннэр тиһиктээхтик ыытыллаллар.

Бары улуустарга уонна куорат уокуруктарыгар Ийэ дойдуга бэриниилээх буолуу тэрээһиннэрэ, күөн күрэстэр, викториналар, быыстапкалар, флешмобтар тэриллэн бу күннэргэ салҕаналлар.
Өрөспүүбүлүкэ музейдарыгар аһаҕас аан күннэрэ уонна экскурсиялар былааннан тураллар. Үөһээ Бүлүү улууһугар Харбалаах сэлиэнньэтигэр И.Н.Барахов аатынан судаарыстыбаннас түмэлигэр «Николаев М.Е. – Первый Президент» уонна «История государственности» тиэмэлэринэн экскурсиялар болҕомтону тардыахтара. Судаарыстыбаннас устуоруйатын сэһэргиир экскурсия «Арассыыйа — мин историям» музей комплексыгар ыытыллар.
Балаҕан ыйын 25-27 күннэригэр Нам улууһун Хатырык, Үөһээ Бүлүү улууһун Харбалаах, Таатта улууһун Чөркөөх музейдарыгар аһаҕас аан күннэрэ дьону-сэргэни улаханнык сэргэхситиэхтэрэ.
«Үргэл» арт-галерея «Биир хартыына историята» онлайн рубриканы тэрийэр. Бу тэрээһин иитинэн, Саха Өрөспүүбүлүкэтин уһулуччулаах диэйэтэллэрин мэтириэттэрэ көрдөрүллүөхтэрэ. Ааптар — СӨ норуодунай худуоһунньуга, СӨ үтүөлээх учуутала Гавриил Петров.
Хотугу норуоттар историяларын уонна култуураларын холбоһуктаах музейа виртуальнай быыстапканы тэрийэн ыытар. Нам улууһугар Хатырык сэлиэнньэтигэр М.К.Аммосов аатынан СӨ Судаарыстыбаннаһын историятын музейыгар «27 сентября – День государственности Республики Саха (Якутия)» быыстапка аһыллыа. «Арассыыйа-мин историям» музей комплексыгар уһулуччулаах судаарыстыбаннай диэйэтэл Илья Винокуров төрөөбүтэ 125 сылыгар аналлаах быыстапка аһыллыыта буолуоҕа.
Хаҥалас улууһун Чапаево сэлиэнньэтигэр СӨ бастакы Бэрэсидьиэнин бибилэтиэкэ-архыыбыгар «История государственности» көһө сылдьар мультимедийнэй быыстапка тэриллиэ. Итиннэ «История народа саха и развитие государственности Якутии в составе России» эрэгийиэннэр икки ардыларынааҕы научнай-практическай кэмпириэнсийэ ыытыллара былааннар.
СӨ Национальнай бибилэтиэкэтэ «Моя Республика» кинигэ быыстапкатын тэрийэр. Национальнай архыып официальнай саайтыгар архыып докумуоннарынан «Имена в истории государственности Якутии: Степан Васильев, Степан Гоголев» иртуальнай быыстапкаҕа ыҥырар.
СӨ Ыччат дьыалаларыгар уонна социальнай коммуникацияларга министиэристибэ куйаар ситиминэн флешмоб ыытыа. Ону таһынан, министиэристибэ МТ уонна куорат уокуруктарын кытары СӨ былаахтаах автопробег видеоролигын бэлэмнээһини тэрийиэ. Хомус киинэ уонна түмэлэ «Хомусы народа саха» каталок биһирэмин оҥоруо.
Балаҕан ыйын 27 күнүгэр, уһулуччулаах уопсастыбаннай уонна бэлитиичэскэй диэйэтэллэр Платон Ойуунускай, Максим Аммосов, Исидор Барахов, Илья Винокуров, Алексей Кулаковскай, Василий Никифоров – Күлүмнүүр, Степан Васильев, Степан Аржаков, Владимир Ларионов пааматынньыктарыгар, Гаврил Чиряев, Юрий Прокопьев бюстарыгар, Степан Аржаковка анаммыт мемориальнай дуоскаҕа, ытык дьоҥҥо сүгүрүйүү бэлиэтигэр , үгэс курдук тыннаах сибэкки дьөрбөлөрүн ууруохтара.
Дьокуускайга Семен уонна Софрон Даниловтарга анаммыт  пааматынньыгы үөрүүлээх быһыыга-майгыга арыйыахтара. Мэҥэ Хаҥалас улууһугар И.М.Сосин аатынан нэһилиэктэр икки ардыларынааҕы  кииннэммит бибилэтиэкэ ситимин аһыллыыта былааннанар. Бу күн Дьокуускайдааҕы кадеттар оскуола-интэринээттэригэр «ВВПОД «ЮНАРМИЯ» кэккэтигэр кадеттар киириилэрин үөрүүлээх быһыыга-майгыга оҥоруохтара. Литература түмэлэ «Роль Степана Аржакова в установлении государственности Республики» төгүрүк остуолга ыҥырар.

СӨ Национальнай бибилэтиэкэтин саайтыгар Судаарыстыбаннас күнүгэр аналлаах медиауруок ыытыллар. «Россия — мин историям» музей комплексыгар «История принятия декларации. Предпосылки и ход событий» онлайн лиэксийэ былааннанар. Маны таһынан, балаҕан ыйын 27 күнүгэр, «Арассыыйа — мин историям» музей комплексыгар 19.00 чаастан СӨ Судаарыстыбаннас күнүгэр анаммыт үөрүүлээх тэрээһин буолуоҕа. Балаҕан ыйын 27-30 күннэригэр СӨ уопсастыбаннай киинигэр норуоттар икки ардыларынааҕы «Северный форум по устойчивому развитию»:  «Изменение климата и реакция многолетней мерзлоты» болҕомтону тардыаҕа.

0
0