Чараҥ

Бэйиэт Петр Тобуруокап төрөөбүтэ 104 сыла

Бүгүн, алтынньы 25 күнүгэр, норуот бэйиэтэ Петр Николаевич Тобуруокап төрөөбүтэ 104 сыла буолла. Кини 1917 сыллаахха Үөһээ Бүлүү Ороһутугар күн сирин көрбүтэ. 

Бэлиэ күҥҥэ анаан Уус Алдантан Полина-Победа хоһоонун ыытта.

ТОБУРУОКАП ТОҔОТО

(Тобуруокап «Көмүс күһүнүттэн» хоһоон)

Тобуруокап тоҕото
Тиийэн кэллэ бэйэбэр
Тоҕо киһи кырдьарый?
Тоҕо олох кылгаһый?

Тоҕо дууһа ылыммат,
Кырдьыан отой баҕарбат?
Тоҕо дьоҥҥо тардыһар?
Тоҕо дьолго дьулуһар?

Тобуруокап убайбыт
Тоҕус төгүл тоҕото
Тыытта өйү-санааны,
Толкуйдатта үйэ саас.

Тоҕо манна бу бары
Муһуннубут бу бүгүн?
Тобуруокап тоҕотун
Таабырынын таайаары!

Уонна хаһан кэлиэмий?
Уонна хаһан көрүөмүй?
Сүдү киһи дойдутун?
Тобуруокап күһүнүн?!

Полина-Победа
Уус Алдан
2019 с.

0
0