Бу сайын Дьааҥы улууһун Бөтөҥкөс сэлиэнньэтин олохтоохторо Рожиннар ойуурга ийэтэ суох, саҥа төрөөбүт тайах оҕото сылдьарын булан ылбыттара. Кыылларын Бээчэ диэн ааттаабыттара.
edersaas.ru
Сайын, күһүн үүтүнэн, отунан аһатан, Бээчэни улаатыннарбыттара. Ол эрээри улааппыт тайаҕы дьиэ кыылын курдук тутар кыаллыбатын өйдөөбүттэрэ. Оттон ойуурга ыытыахтарын – дьоҥҥо, дьиэ кыылларыгар убанан хаалан, кыайан сылдьыа суоҕа диэн сэрэхэдийбиттэрэ.
Бээчэ дьылҕата хайдах быһаарыллара биллибэт этэ. Соторутааҕыта бэтэринээрдэр кэлэн, тайах доруобуйатын туругун бэрэбиэркэлээтилэр. Хаанын ылан, бруцеллез, сальмонеллез, гельминтоз, арахноэнтомоз, микоз курдук ыарыылары чинчийдилэр. Чинчийии түмүгүнэн биллибитинэн, тайах муус доруобай эбит.
Бу күннэргэ “Орто дойду” зоопарк Бээчэни ыларга бэлэмин биллэрдэ. Ол туһунан дириэктэр Лука Сафронов маннык этэр:
-Биһиги аккаастанабыт диэн эппэтэхпит, маннык сурах хантан тарҕаммытын билбэппин. Биһиэхэ эрийбиттэригэр, тайаҕы ыларга бэлэммитин биллэрбиппит. Билигин хайдах тиэйэн аҕаларбытын быһаарсабыт. Халлаан сылыйдаҕына, кулун тутар ый диэки аҕаларга былаанныыбыт.
«Орто Дойду» зоопаркаҕа билигин икки тайах баар.
Ангелина Васильева, “Саха сирэ” хаһыат, edersaas.ru