Атырдьах ыйын 12 күнүгэр суһал ыстаап уочараттаах мунньаҕар Чурапчы улууһугар ойуур баһаарыгар тыҥааһыннаах балаһыанньа үөскээбитин ырыттылар.
Улуус баһылыгын бастакы солбуйааччы Алексей Ноговицын куйаар ситиминэн буолбут мунньахха Чурапчы уонна Мэҥэ Хаҥалас улууһун Мэлдьэхси учаастагын кыраныыссатыгар икки улуустан 344 киһи, 17 тиэхиньикэ ( ол иһигэр 4 бульдозер, 5 баһаарынай уонна 2 уу баһар массыына, 4 вездеход) үлэлиирин иһитиннэрдэ. Ойуур баһаара учаастакка 3 км чугаһаата. Баһаары бохсор бары ирдэниллэр үлэ ыытылынна. Иккис улахан баһаар Мугудайтан 15 км тэйиччи сиргэ баара турар. Онно 60 киһи уонна икки тыраахтар үлэлиир.
Елена ПОТОЦКАЯ, «Саха сирэ» хаһыат.
+1
+1
+1
+1
+1
+1
+1