Бэҕэһээ аан дойду үрдүнэн The Beatles бөлөх күнэ бэлиэтэннэ

Ааптар: 
17.01.2018
Бөлөххө киир:

Сыллата тохсунньу 16-гар The Beatles бөлөх аан дойдутааҕы күнэ бэлиэтэнэр. Бу күн 1957 сыллаахха Великобритания Ливерпуль куоратыгар Cavern кулууп аһыллыбыта. Манна The Beatles бастакы кэнсиэрдэрэ буолбуттара.

Бөлөх бастакы састаабыгар Пол Маккартни, Джон Леннон, Джордж Харрисон, Стюарт Сатклифф уонна Пит Бест оонньообуттара.
Бастаан утаа уолаттары Ливерпуль олохтоохторо эрэ билэллэрэ. 1960 сыллаахха Германияҕа кинилэр Тони Шериданы кытта билсибиттэрэ. Онно Шеридан эдэр мусукааннары кытары «Тони Шеридан уонна Битлз» альбому устубута. Ол бөлөх аан дойду таһымыгар тахсыыга биир дьоһун хардыытынан буолбута.
Бастакы билиниини «битлзтарга» 1963 сыллаахха таһаарбыт «Please Please Me» пластинкалара аҕалбыта. Дьэ онтон ыла аан дойду үрдүнэн «битломания» саҕаламмыта. The Beatles муусука салгыы сайдыытыгар улахан сабыдыалы оҥорбута.
The Beatles аан дойдутааҕы күнэ ЮНЕСКО быһаарыытынан 2001 сыллаахтан бэлиэтэнэр.
Роман Попов, «Саха сирэ» хаһыат

+1
0
+1
0
+1
0
+1
0
+1
0
+1
0
+1
0