Бэҕэһээ киэһэ Рослесхоз федеральнай агентствотын салайааччытын солбуйааччы Александр Агафонов РФ Оборонатын уонна ЫБМ министиэристибэлэрин көтөр аалларын хамандыырдарын кытары мунньахтаата.
Саҥатан эттэххэ, Бе-200 уонна Ил-76 сөмөлүөттэр Мииринэйгэ баазаланаллар.
Икки Бе-200 сөмөлүөт от ыйын 21 күнүгэр Сунтаар улууһугар 23 нүөмэрдээх, оттон биир Бе-200 Мииринэйгэ Сүлдьүкээргэ 18А нүөмэрдээх баһаары умуруорууга үлэлиэхтэрэ.
Икки Ил-76 бүгүн Сунтаарга үлэлиирэ былааннанар.
«Өрөспүүбүлүкэҕэ быһыы-майгы тыҥааһыннаах. Ол гынан баран балаһыанньа хонтуруолланар. Танкернай авиация туһунан этэр буоллахха, от ыйын 20 күнүгэр биэс борт үлэлээтэ», — диэн Агафонов бэлиэтээтэ.
СӨ Ил Дарханын уонна бырабыыталыстыбатын пресс-сулууспата
+1
+1
+1
+1
+1
+1
+1