Бе-200 сөмөлүөт Сунтаарга баһаары умулларыыга 191 туонна ууну бырахта

Бөлөххө киир:

Сунтаарга түөрт нэһилиэккэ ойуур баһаардара туран кутталы үөскэттэ. Бэҕэһээ СӨ Бырабыыталыстыбатын бэрэссэдээтэлин бастакы солбуйааччы Д.Д.Садовников Кутана, Күүкэй баһаардарын туругун билистэ.

Бэҕэһээҥҥи туругунан Түбэй, Сиэйэ баһаардара бохсулуннулар, тула өттүгэр кэтэбил үлэтэ ыытыллар. Кутана, Күүкэй баһаардарыгар күүстээх үлэ барар. Бе — 200 сөмөлүөт уоту умулларыыга үлэлээтэ. 254 киһи үлэлии сылдьар. Бүлүүчээҥҥэ бульдозер тыраахтыр күнү-түүнү билиммэккэ баһаартан хаххалыыр ханааба хаһар, РНГ «Росомаха» ТГ-126-01 вездехода, Бе-200 амфибия-сөмөлүөт үлэлээтэ. Бу баһаарга 145 киһи үлэлиир. Маннык ыксаллаах түгэҥҥэ «Сунтарцеолит», «Р.Ордахов», «С.А.Яковлев» паромнара төгүрүк күн үлэлииллэр, ону таһынан РНГ, «Айан Суол», «Якутскгеофизика» тимир көлөлөрө көмө буолаллара кэрэхсэбиллээх. Маны таһынан ыксаллаах быһыыга үөрэҕирии, култуура, тыа хаһаайыстыбатын салайааччыларын састааптаах улуус баһылыгын Анатолий Григорьев салайыытынан Казань куоракка Саха сирин күннэригэр, ону таһынан Уфа куоракка айымньылаах сырыыттан аккаастанан, билиэти төнүннэрэн баһаарга былааннаах үлэни ыытарга кыах туһуланна.

Мария Кобельянова, Сунтаар

+1
0
+1
0
+1
0
+1
0
+1
0
+1
0
+1
0