Өксөкүлээх Өлөксөй аатынан норуоттар доҕордоһууларын дьиэтигэр үгэс буолбут республикатааҕы Ыччат баала буолла. Манна ыччат бэлиитикэтигэр бастыҥ үлэлээх дьону, улууһу, түмсүүнү быһаараллар. Сыл түмүгүн таһаараллар.
2016 сыл бастыҥнара:
- Бастыҥ уһуйааччы — Николай Дегтярев, СР профсойуустарын федерациятын бэрэссэдээтэлэ;
- Бастыҥ бырайыак — «Сила молодежных инициатив», Артем Иванов, ХИФУ устудьуоннарын идэлээх сойууһа, Педагогическэй этэрээттэр;
- Бастыҥ лидер — Денис Белозеров, Ыччат правительствотын бэрэссэдээтэлэ;
- Бастыҥ эдэр суруйааччы — Рустам Каженкин-Арчы Уола, РФ суруйааччыларын сойууһун чилиэнэ;
- Сыл доброволеһа — Виктория Левашова, Ленскэй оройуона;
- Сыл уһулуччута — «Молодая гвардия» түмсүү, салайааччы — Александр Сусоев;
- Айар куттаах ыччат — Мария Находкина, киинэ сценариhа;
- Ыччаты кытта үлэҕэ бастыҥ оройуон — Өймөкөөн улууһа, Станислав Григорьев — ыччат лидерэ, баһылык — Михаил Захаров;
- Бастыҥ уопсастыбаннай түмсүү — СР Волонтердары кытта үлэлиир киин, салайааччы — Анастасия Габышева;
- Ыччакка бастыҥ үлэлээх оройуон — Мэҥэ Хаҥалас, Ыччат лидерэ — Константин Захаров, баһылык — Николай Старостин.
Сыл аайы ыччаты түмэр, сайыннарар үгэс буолбут түөрт улахан тэрээһин баар: Ыччат баала, «МИНИСТР» дьыалабыай оонньуу, «Хотугу синергия» форум уонна Ыччат ыhыаҕа.
Ыччат ыһыаҕа — Мирнэйгэ!
Эһиил, 2017 сылга, Ыччат ыһыаҕа Мирнэй оройуонугар буолуоҕа. Ыһыах чороонун Амма улууһун баhылыга Николай Архипов Мирнэй ыччакка кэмитиэтин салайааччыта Алексей Болотиҥҥа үөрүүлээх быһыыга туттарда. Итиэннэ эһиил, Саха сиригэр Ыччат сылыгар, Бүтүн Россиятааҕы устудьуоннар этэрээттэрин слета Дьокуускайга буолар. Оттон Россияҕа, Сочи куоракка, Бүтүн Аан дойдутааҕы ыччат фестивала ыытыллар.
Манна даҕатан эттэххэ, бу күннэргэ «МИНИСТР» дьыалабыай оонньуу дойду үрдүнэн кадры бэлэмниир бастыҥ бырайыагынан ааттанна. Онон Саха сирин ыччата Ыччат сылын кыайыы көтөллөөх көрсөр.
Хаартыска: Инстаграмтан.